លោក Wenger ថា Costa ធ្វើឲ្យ Mertesacker ទទួលរងនូវការបណ្តេញចេញ
25-January-2016 | ដោយ មួយឡា
លោក Arsene Wenger អ្នកចាត់ការទូទៅរបស់ Arsenal បាននិយាយថា ខ្សែប្រយុទ្ធ Diego Costa បានធ្វើឲ្យខ្សែការពារ Per Mertesacker ទទួលការពិន័យកាតក្រហមបណ្តេញចេញ ក្រោយពីក្តីសង្ឃឹមនៃការប្រជែងដណ្តើមពានក្របខ័ណ្ឌ Premier League របស់ពួកគេបានជួបការខកចិត្តដោយសារតែការរងបរាជ័យក្នុងលទ្ធផល ១-០ ក្នុងផ្ទះខ្លួនឯងក្រោមស្នាដៃក្រុម Chelsea កាលពីថ្ងៃអាទិត្យ។
Mertesacker បានរងនូវការពិន័យកាតក្រហមតែម្តងសម្រាប់ការឈូសជើងទៅលើខ្សែ ប្រយុទ្ធ Diego Costa នៅនាទី ទី១៨ ហើយ Costa បានស៊ុតបាល់បញ្ចូលទីតែមួយគ្រាប់ក្នុងការប្រកួតនោះក្នុងរយៈពេល ៥នាទីក្រោយមក ក្រោយពីមានការបញ្ជូលបាល់យ៉ាងល្អពីសំណាក់ Branislav Ivanovic នៅក្បែរបង្គោលទី។
Costa បានក្លាយជាដើមហេតុក្នុងការធ្វើឲ្យ Gabriel រងនូវការបណ្តេញចេញក្នុងការប្រកួតកាលពីខែកញ្ញា តាមរយៈការធ្វើឲ្សែការពារសញ្ជាតិប្រេស៊ីលរូបនេះទាត់ទៅលើជើង របស់គេ ក្នុងពេលក្រុម Chelsea ទទួលជ័យជម្នះ ២-០ ប៉ុន្តែ ស្របពេលដែលកំហុសរបស់ Mertesacker ទៅលើរូបគេហាក់ដូចជាបង្ហាញឲ្យឃើញយ៉ាងច្បាស់ លោក Wenger មានអារម្មណ៍ថា ការស្តីបន្ទោសគួរតែធ្លាក់ទៅលើខ្សែប្រយុទ្ធអន្តរជាតិអេស្ប៉ាញ រូបនេះម្តងទៀត។
លោក Wenger បានឲ្យដឹងថា៖ «រូបគេធ្វើឲ្យកីឡាករពីរនាក់រងការពិន័យកាតក្រហមនៅរដូវកាលនេះ។ ខ្ញុំមិនមែនកំពុងតែចោទប្រកាន់រូបគេឡើយ ប៉ុន្តែ នោះគឺជារឿងពិត។ នោះគឺជាផ្នែកមួយនៃការប្រកួតរបស់ខ្សែប្រយុទ្ធម្នាក់ ហើយ Costa ពិតជាមានជំនាញក្នុងការធ្វើបែបនោះ»៕
ប្រភព៖ Channel News Asia , cambosport
ចំនួនអ្នកទស្សនា
- ថ្ងៃនេះ3371
- ម្សិលមិញ4111
- សប្តាហ៍នេះ3371
- ខែនេះ77811
- ឆ្នាំនេះ332751
- សរុប19560197